(دوہڑا)
دنیا دیاں سب بیماریاں چوں
Duniya diyaan sab bimariyan cho
پاپاں دی بیماری وکھری اے
Paapan di bimari wakhri ae
اے سارے جہان دیاں عورتاں چوں
Ae saare jahan diyaan aurtaan cho
ماں مریم کنواری وکھری اے
Maan Maryam kunwari wakhri ae
اے سارے جہان دے پرندیاں چوں
Ae saare jahan de parindeyan cho
بازاں دا اُڈاری وکھری اے
Bazaan da uddari wakhri ae
پر ایہناں اونٹھاں گھوڑیاں ہاتھیاں چوں
Par einaan oonthaan ghodiyan haathiyaan cho
بدلاں دی سواری وکھری اے
Badlan di sawaari wakhri ae
یسوع بدلاں تے آوے گا
Yesu badlan te aave ga
تے اپنے او بندیاں نوں
Te apne o bandiyan nu
لے کے عرشاں تے جاوے گا
le ke arshaan te jaave ga
...
(استھائی)
اک بدلاں دا اُڈن کھٹولا ہووے گا
Ik badlan da uddan khatola hove ga
وچ بیٹھا میراعرشاں دا ڈھولا ہووے گا
Vich baitha mera arshaan da dhola hove ga
(1)
جہیڑی ووہٹی سج دھج کے تیار ہووے گی
Jehdi wohati saj dhaj ke tayaar hove gi
اوہو ای گھوڑی تے سوار ہو وے گی
Oho hi ghodi te sawar hove gi
اوہدے متھے دے سہاگ دا پٹولا ہووے گا
Ohde mathe de suhaag da patola hove ga
(2)
جدوں زندگی تے موت دا او والی آوے گا
Jadon zindagi te maut da o waali aave ga
بادشاہواں دا اوہ بادشاہ جلالی آوے گا
Badshahwan da o badshah jalaali aave ga
اوہدے پچھے نوریاں دا ٹولا ہووے گا
Ohde piche nooriyan da tola hove ga
(3)
اوتھے چج تے کچج دا انصاف ہووے گا
Othe chaj te kachaj da insaaf hove ga
بیٹھا تخت اُتے یسوع راجا آپ ہووے گا
Baitha takht te Yesu raja aap hove ga
اوتھے کسے دا وکیل نہ وچولا ہووے گا
Othe kise da wakeel na vichola hove ga
(4)
فیر سدا دے لئی روندے بدکار رہن گے
Phir sada de lai ronde badkaar rahenge
اوہو ای طالباؔ یسوع دے سجے ہتھ بھین گے
Oho hi taalibaa Yesu de saje hath bheenge
جنہاں نیکیاں دا بھریا بھڑولا ہووے گا
Jinnaan neekiyaan da bhariya bhadola hove ga
(5)
نہ کوئی اوتھے سس نہ ننان ہووے گی
Na koi othe sass na ninnan hove gi
سارے گھر وچ ووہٹی پردھان ہووے گی
Saare ghar vich wohati pardhaan hove gi
کسے گل دا نہ فیر اوتھے اولا ہووے گا
Kise gal da na phir othe ola hove ga