ہوئی بات جو بھی صلیب پر میرے حق میں حرفِ دعا لگی

ہوئی بات جو بھی صلیب پر میرے حق میں حرفِ دعا لگی
تیرا خون برکھا کی رت لگا تیری سانس بادِ صبا لگی
(۱)
یوں تو کلوری کے پہاڑ پر ہوئیں نصب کتنی ہی سولیاں
مگر اس صلیبوں کے شہر میں یہ صلیب تیری جدا لگی
(۲)
تو نے کس طریقے سے پی لیا وہ پیالہ جو کہ نہ ٹل سکا
تو نے کس سلیقے سے جان دی کہ یہ موت رب کی رضا لگی
(۳)
تو مرا تو جینے کی آرزو کئی ماتموں کا سبب ہوئی
تو جیا تو سانسوں کی گفتگو نئے موسموں کی ہوا لگی