ہوشعنا دے نعرے لاؤ ، یسوع بادشاہ آیا اے

ہوشعنا دے نعرے لاؤ ، یسوع بادشاہ آیا اے
خوشیاں دے وچ نچ نچ گاؤ ، یسوع بادشاہ آیا اے
۱
۔ سارے جگ دے نالوں وکھری اوہدی بادشاہی اے
سب تھوں اُچا نام ہے اوس دا ، مکھ وی اوہدا جلالی اے
مہما اوس دی گاؤندے جاؤ ، یسوع بادشاہ آیا اے
۲
۔ بادشاہاں دا بادشاہ ہے او ، اوہدی شان نرالی اے
بندھناں نوں او پل وچ توڑے، سب نوں دیندا رہائی اے
بدیاں تھوں چھٹکارا پاؤ ، یسوع بادشاہ آیا اے
۳
۔ انھیاں نوں او اکھیاں دیندا، لنگڑیاں نوں چلاندا اے
کوڑھیاں نوں صاف ہے کردا، مردیاں نوں جواندا اے
اج شفاواں سارے پاؤ ، سارے بادشاہ آیا اے