(دوہڑا)
سہج سہج نال مار ہتھوڑا
وے توں کیوں اینی ات چائی
میرے پت دیاں نازک تلیاں
جانیں کل تے کل لگائی
اک کل میرے سینے جڑ دے
مینوں آ جائے پت دی آئی
انج لگدا جیویں طالباؔ آ گئی
فرعون دی فیر خدائی
۔۔۔
(استھائی)
ہولی ہولی کل لاویں کل لاؤن والیا دل دیاں محلاں دے مینارے ڈھاؤن والیا ۱
اینج نئیں غریباں نوں وکھائی دا اے جوش وے
کوڑھیاں دی مار کیتا پہلاں ہی بے ہوش وے
کُولے کُولے ہتھاں وچ چھید پاؤن والیا
۲
ٹھہر نیزے والیا ہتھ ذرا روک وے
مویاں نوں تے اینج کدی مار دے نئیں لوک وے
رہے سہے ساہواں دے دوالے بھون والیا
۳
بن گئے نیں لوکی ایتھے طالبا جلاد وے
سن دا نئیں کوئی ایتھے میری فریاد وے
تڑپدی جان میری تڑپاؤن والیا
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
