غفلت والی نیندروں اُٹھ تینوں یِسُوع بلاوندا اے

غفلت والی نیندروں اُٹھ تینوں یِسُوع بلاوندا اے
فجر ویلے دی کر لے دعا تینوں روح اُٹھاوندا اے
۱
چھڈ بدیاں تے پیڑیاں سنگتاں آ جا یسوع دے کول
حکمت شہرت پا لے یسوع توں دل دا بوہا کھول
نہ منگدا اوہ جان کسے دی باہنواں پھیلاؤندا اے
۲
رکھ ایمان دی نیں یِسُوع تے کامل ہو جا توں
وانگ پولس دے کر کے نیت شامِل ہوجا توں
سوچ خیال نوں کر یِسُوع ول ہتھ ودھاوندا اے
۳
دل دی بنجر دھرتی اُتے لہو یِسُوع دا ڈول
پا فکراں نوں یِسُوع مسِیح تے اوہ بھرے گا مول
ساریاں رنجشاں سارے جھگڑے تیرے مٹاوندا اے
۴
وانگ مسافر سمجھ جہاں نوں دو پل دی زِندگی
زِندگی دی لو بس یِسُوع مسِیح اے کر لے توں بندگی
سمجھ جا مقصد زِندگی دا ضامن یاد کراوندا اے