غفلت والی نیندروں اُٹھ تینوں یِسُوع بلاوندا اے
Ghaflat wali neendron utth tainu Yesu bulaunda ay
فجر ویلے دی کر لے دعا تینوں روح اُٹھاوندا اے
Fajar wailay di kar lay dua tainu Rooh utthaunda ay
1
چھڈ بدیاں تے پیڑیاں سنگتاں آ جا یسوع دے کول
Chhad badiyan tay pairiyan sangtan aa ja Yesu day kol
حکمت شہرت پا لے یسوع توں دل دا بوہا کھول
Hikmat shohrat pa lay Yesu ton dil da buha khol
نہ منگدا اوہ جان کسے دی باہنواں پھیلاؤندا اے
Na mangda oh jaan kisay di bahanwan phelaunda ay
2
رکھ ایمان دی نیں یِسُوع تے کامل ہو جا توں
Rakh iman di neenh Yesu tay kaamil ho ja tun
وانگ پولس دے کر کے نیت شامِل ہوجا توں
Wang-e-Paulus day kar kay niyat shamil ho ja tun
سوچ خیال نوں کر یِسُوع ول ہتھ ودھاوندا اے
Soch khayal nu kar Yesu wal hath vadhaunda ay
3
دل دی بنجر دھرتی اُتے لہو یِسُوع دا ڈول
Dil di banjar dharti uttay lahu Yesu da dol
پا فکراں نوں یِسُوع مسِیح تے اوہ بھرے گا مول
Pa fikran nu Yesu Masih tay oh bharay ga mol
ساریاں رنجشاں سارے جھگڑے تیرے مٹاوندا اے
Saariyan ranjishan saaray jhagray tere mitaunda ay
4
وانگ مسافر سمجھ جہاں نوں دو پل دی زِندگی
Wang-e-musafir samajh jahan nu do pal di zindagi
زِندگی دی لو بس یِسُوع مسِیح اے کر لے توں بندگی
Zindagi di lo bas Yesu Masih ay kar lay tun bandagi
سمجھ جا مقصد زِندگی دا ضامن یاد کراوندا اے
Samajh ja maqsad zindagi da Zaamin yaad karaunda ay