دیکھو زور ہمارا ہے یہوداہ کا شیر ببر

دیکھو زور ہمارا ہے یہوداہ کا شیر ببر
جس کی خالی پڑی ہے آج بھی دیکھو قبر
۱
مہروں کو توڑنے والا ، رشتوں کو جوڑنے والا
رُخ طوفانوں کے بھی ، یسوع ہے موڑنے والا
وہ ہے شان ہماری ، اور ہمارا فخر
۲
موت کو جس نے ہرایا، ہر جکڑا جس نے چھڑایا
گناہ کی دیوارِ یریحو کو ، یسوع ناصری نے گرایا
روح میں جو خدا ہے ، بدن میں بنا بشر
۳
مرض روگوں کو کرتا ختم ، بدروحوں کو کرتا بھسم
جو چاہے وہ کر لیتا ، یسوع جب کر لے عزم
اس نے شیطاں کے زور کو ، کر دیا ہے بے اثر