بول شمعون والا لنگھیا ناں کول دی اکھیاں دا نیر مریم سولی تھلے ڈوہلدی ۱
یسوع نے صلیب اُتے پانی گھٹ منگیا
ماں دے کلیجے وچوں تیر ہو کے لنگھیا
چلدی نہ پیش کوئی وِتھاں پئی پھولدی
۲
وس دی نہ گل رئی یسوع نوں چھڈا ن دی
ونڈے کیویں پیڑ گل رئی نہ سنان دی
اکھاں وچ اکھاں پا کے دُکھ پئی پھولدی
۳
چن نالوں سوہنا مُکھ رَت نے چھپایا اے
کِلاں دیاں چھیکاں اوہدا خون چوایا اے
رَت دے بغیر جان پکھے وانگ ڈولدی
۴
گودی وچ لاش پا کے والاں نوں سنوار دی
ہولی ہولی کنڈیاں دے تاج نوں اُتار دی
حق دی ترکڑی تے پیار پئی تولدی
۵
سبھو کجھ پورا ہویا یسوع نے پکاریا
باپ نوں چڑھاوا جدوں جان دا گزاریا
مریم بے ہوش ہوئی مونہوں نئیں بولدی
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.