بیڑے پار لنگھا دے یسوع

بیڑے پار لنگھا دے یسوع
ساڈے اوگن ہاراں دے
گھروں غریب تعلیموں خالی
دِل وچ شوق دیداراں دے
۱
اساں سُںیاں تیرے چیلے
رہندے روز وڑے وچ میلے
پلے ہون نہ پیسے دھیلے
رہندے وچ بہاراں دے
۲
اساں سنیاں آپ بلاویں نالے مکتی آپ دلاویں
نہ کجھ خرچیں نہ خرچاویں
نہ کوئی کم اُدھاراں دا
۳
اساں سُنیاں شیطان نال لڑیا
جدوں لے ہیکل تے چڑھیا
سُنیاں ایسا گردنوں پھڑیا
ماریا وچ پہاڑاں دے
۴
بندہ منت کردا تیری
پَیلی سب تھوں بھیڑی میری
جدوں ہو جاوے رحمت تیری
کھڑ دے پھُل اناراں دے
۵
تینوں چک چڑھایا سولی
طعنے دین غریب معمولی
تُوں خُود لعنتی موت قبولی
واسطے کُل بدکاراں دے