اگر وہ خاک سے ہوتا یقیناً خاک ہو جاتا

اگر وہ خاک سے ہوتا ، یقیناً خاک ہو جاتا
نہیں ممکن کوئی خاکی شاہِ افلاک ہو جاتا
۱
غریبی اوڑھ کر تن پہ چلا آیا غریبوں میں
عدن میں چھن گئی تھی جو میری پوشاک ہو جاتا
۲
صدائے فاتحِ عالم کہ جب ہیکل میں جا پہنچی
وہاں اک اَور بھی ہوتا تو پردہ چاک ہو جاتا
۳
خبر سارے زمانے کو سنا دو جی اٹھا ہے وہ
وہی یسوع جسے کوڑھی بھی چھوتا پاک ہو جاتا
۴
سپاہِ روم نے اس کی صداقت کی گواہی دی
مگر اے کاش اپنوں کو بھی یہ ادراک ہو جاتا