آوازیں باہم ہوں بلند

آوازیں باہم ہوں بلند
جی اُٹھا یسوع ہوں خورسند
۱
نُورِ سحر کے زینے پر سے
آیا اِک کروبی اُتر کے
چمن بنا ہے بُقعہِ نُور
سنگِ گراں بھی قبر سے دُور
۲
موت کی ظلمت سے جی اُٹھا
چشم بشر کا ہے اَن دیکھا
گور پہ فاتح بن کے اُٹھا
ہے جو مالکِ ارض و سما
۳
جاگو اے نورانی لوگو!
ساتھ مسیحا کے تُم جاگو
صبح کا تارا ہے وہ روشن
نیند سے جاگو کر لو درشن
۴
موت میں اُس کے ساتھ مرے ہیں
ساتھ اُسی کے اب جی اُٹھیں
قبر میں چھوڑیں بات پرانی
اُس سے زندگی لیں لافانی