آ سوئے کلوری چلیں

آ سوئے کلوری چلیں ، آ سوئے کلوری چلیں
تیری نجات کے لئے ، ابدی حیات کے لئے
تیرے مسیح نے جان دی ، ہے کائنات کے لئے
(۱)
دیکھ تیرے حبیب پر ، ہوتا ہے ظلم صلیب پر
فضا میں اک غبار ہے ، فلک بھی اشکبار ہے
لہو لہو بدن تمام ، وہ باپ سے ہے ہم کلام
اے باپ ان کو معاف کر ، اے باپ ان کو معاف کر
(۲)
کتبے ہیں سر پہ جڑ دئیے ، میخوں سے ہاتھ جڑ دئیے
ہے سر پہ تاج خاردار، لباس بھی ہے تار تار
لہو لہو بدن تمام ، وہ باپ سے ہے ہم کلام
اے باپ ان کو معاف کر ، اے باپ ان کو معاف کر
(۳)
یہ ظلم یہ صعوبتیں ، یہ کرب یہ اذیتیں
تیری خطاؤں کے سبب ، تیرا مسیح ہے جاں بلب
لہو لہو بدن تمام ، وہ باپ سے ہے ہم کلام
اے باپ ان کو معاف کر ، اے باپ ان کو معاف کر