زندگانی تو ہے بندگانی تو ہے

زندگانی تو ہے، بندگانی تو ہے
سچ کا تو سورج، جیون کی روٹی
جیون کا پانی ، تو ہے
میری زندگانی تو ہے
۱
چاہوں میں تجھے پوجوں میں تجھے
گاؤں میں تیرے بھجن
جھک جھک کر تجھے سجدہ کروں
چوموں میں تیرے چرن
اپنے لہو سے، مجھ کو تو دھو دے
میری زندگانی تو ہے
۲
تنہا مجھے نہ تو چھوڑے گا
سارے طوفانوں کو موڑے گا
سارے یہ بندھن توڑے گا
ہاتھوں کو تھام لے ، تازہ کلام دے
میری زندگانی تو ہے
۳
زندگی میری بندگی تیری
سانسوں کا خالق تو ہے
شاہوں کا شاہ خداوند خدا
پرستش کے لائق تو ہے
میری بہار تو، دل کا قرار تو
میری زندگانی تو ہے