خدا دے پر دے ہیٹھاں جو کوئی انسان رہندا ہے خدا دے کھنب دی چھاں ہیٹھاں تے اوہ آرام پاندا ہے 1
پناہ میری خداوند ہے میں ایہو سب نوں آکھاں گا
قلعہ میرا خداوند ہے میں آسرا اوس تے رکھاں گا
2
شکاری دِیاں پھاہیاں تھوں خدا تینوں چھڈاوے گا
وبا تے مری بھاری تھوں تد اوہ تینوں بچاوےگا
3
تے اپنے کھنب دے ہیٹھاں لکاوے گا خدا تینوں
اوہ اپنے پر دی چھاں ہیٹھاں سو دیوے گا پناہ تینوں
4
تیرے ہتھیار ہوون گے خداوند د وفاداری
ڈراوے گا نہ دِن دا تیر نہ تینوں رات اندھیاری
5
نہ کجھ نقصان دیوے گی ہنیرے دی وبا تینوں
تپالی جیہڑی چٹ کردی ہے مُلکاں نوں دوپہراں نوں
6
تپالی تیرے سجے ہتھ ہزاراں نوں لے جاوے گی
کدی وی کول تیرے ایہہ تپالی پھیر نہ آوے گی
7
تُوں اپنی اکھیاں تھوں حال ویکھیں گا شریراں دا
خداوند بدلہ دیندا آپ اوہناں دی شرارت دا
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
