زبور 84 (پہلا وزن): خداوندا توں لشکراں دا خدا ہے

خداوندا تُوں لشکراں دا خدا ہے
ٹھکانا تیرا مینوں چنگا لگا ہے
1
میری جان چاہندی تیری بارگاہ نوں
میرا من میرا تن وی کردا ثنا ہے
2
اٹیرن تے چڑیاں نے آہلنا پایا
بنائیو نیں بوٹاں دے رہنے دی جا ہے
3
ہاں ایسے طرح اے میرے بادشاہا
تیرا مذبح میرے لئی اِک پناہ ہے
4
مبارک تیرے گھر دے سب رہن والے
ثنا تیری اوہنا ں دے منہ وِچ سدا ہے
5
مبارک ہے اوہ جس دا ہے زور تیتھوں
اوہناں دے دلاں وِچ تے تیرا ہی راہ ہے
6
اوہ ٹُردے نیں رونے دے جنگل وِچوں وی
تے لیند ے اوہ تھے ہی چشمہ بنا ہے
7
جدوں ہندی اے پہل چھلے دی بارش
اوہنوں برکتاں نال لیندی چھپا ہے
8
اوہ اِک زور تھیں زور تک ودھد ے جاندے
تے گھر پہنچ جاندے خدا وند خدا ہے
9
میری گل تے کن دھرتُوں یعقوب دے رب
تے سن لئیں تُوں آپیں میری جو دعا ہے