سن اے میری اُمت میں وساں گا چا جے توں اسرائیل میری گل سنیں گا نہ تیرا ہو کوئی وی دُوجا خدا کہ جس اگے دیویں توں سر نوں جھکا 1
میں تیرا یہوواہ خدا ہاں ہر حال
جو مصر تھیں تینوں لے آیا نکال
توں اپنا منہ کھول دے تے میں وی ضرور
ہاں برکت نال اوس نوں کراں گا بھرپور
2
پر اوہناں نے سنہ نہ میری صدا
نہ اسرائیل کیتی کجھ میری پرواہ
تد چھڈ دتا اوہناں نوں میں وی گمراہ
تے اوہناں نے پگڑیا مُڑ اپنا ہی راہ
3
جے لوک میرے سُندے ایہہ میرا کلام
تے اسرائیل مَندا راہ میرا تمام
تد وَیری سب اوہناں دے کردا مغلوب
تے ہتھ اپنا پھیردا میں اوہناں تے خوب
4
جو ویر رکھدا دل وچ یہوواہ دے نال
نہ رہے گا کدی ہمیشہ خوش حال
پر مومناں نوں کنک نال رجاندا خدا
چٹان وچوں شہر وی کھلاندا خدا
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
