زبور 45: سن اے بیٹی توں ایہہ سوچ لے

سن اے بیٹی توں ایہہ سوچ لے اپنا کن تُوں ایدھر کر
اپنی قوم تے اپنے پیو دا دل تھوں تُوں بھلا دے گھر
1
تاں جو بادشاہ عاشق ہووے تیری خوش جمالی دا
اوہدے اگے سجدہ کر تُوں اوہو تیرا ہے خدا
2
طَیر دی بیٹی تیرے اگے نذراں تحفے لیاوے گی
قوم دے دولت والے ہوون تیرے سب خوشامدی
3
گھر دے اندر ہے شہزادی کُل جلال نال جلوہ گر
اوہدا سب لباس سنہرا بُوٹے دار ہے سراسر
4
شاہ دے کول لیائی جاندی رنگا رنگ پوشاکاں پہن
سب کواری سہیلیاں اہدیاں پچھے پچھے آؤندیاں ہین
5
اوہ پچائی جاندیاں ہین سب دل وچ خوشی ہے کمال
شاہ دے محلاں اندر داخل ہندیاں اوہ سب خوشیاں نال
6
تیرے سارے پُتر ہوون تیرے پیو دادیاں دی جا
اوہناں نوں ایس دھرتی اُتے تُوں سردار ٹھہراویں گا
7
سب قوماں دے اندر تیرا نام کراواں گا میں یاد
تیری مہما سدا تیکر گاون گے سب آدم زاد