خوبیاں اپنی عجائب تُوں تے رکھیاں ہیں چھپا واسطے اوہناں دے جو ڈر دے ہیں تیتھوں اے خدا 1
ساہمنے لوکاں دے اوہناں اُتے کیتا رحم تُوں
یا ربا جو تیرے اُتے رکھدے اپنا آسرا
2
پر دے وچ اپنی حضوری دے چھپاندا اوہناں نوں
لوکاں دیاں منصوبیاں تے سازشاں تھوں اے خدا
3
تُوں چھپاندا رحم کر کے جھگڑیاں تھوں اوہناں نوں
اپنے تنبوئی دے اندر جتھے رہندا تُوں سدا
4
ویکھیا جد حال اپنا بولیا گھبرا کے مَیں
تیری اکھیاں تھوں خدایا دُور ہاں سُٹیا گیا
5
پر جدوں دتی دوہائی تیرے وڈے نام دی
سن لئی تُوں اوسے ویلے میری منت دی صدا
6
مومنو رکھو محبت سب یہوواہ پاک نال
راکھا دینداراں دا ہے مغروراں نوں دیندا سزا
7
زور پکڑو جو یہوواہ کولوں رکھدے ہو اُمید
بخشے گا دل نوں تہاڈے خوب مضبوطی خدا
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.
