زبور 22 (پہلا وزن): اے خداوند اے رب میرے کیوں تو میری

اے خداوند اے رب میرے کیوں توں میری سندا نہیں؟
میری مدد تے فریاد تھوں دُور کیوں رہندا سندا نہیں؟
1
اے خداوند رب توں میرا میں پکاردا فجرے تینوں
رات نوں وی میں چپ نہ رہندا پر توں میری سندا نہیں
2
توں خداوند پاک خدا ہیں توں بزرگی نوں ہیں پہن دا
آسرا رکھیا پیو دادیاں نے اوہناں نوں توں چھڈیا نہیں
3
جد دوہائی تیری دِتی توئیں اوہناں نوں چھڈایا
جنہاں آسرا تیرا رکھیا اوہ شرمندہ ہوئے نہیں
4
مینوں سب ملامت کردے سارے ویکھ کے سانگ وی لاندے
سر ہلاندے اپنے میں ہاں کیڑا بندہ نہیں
5
کہندے ہین اوہ ٹھٹھا مار کے آس یہوواہ تے اوہ دھردا
جے خدا ہے اوس تھوں راضی اوس نوں کیوں چھڈاندا نہیں
6
تیرے ہتھوں جنم پایا توں تے مینوں اے خداوند
ماں دی گد وچ آسرا دتا توں تے مینوں چھڈیا نہیں
7
توئیں میری پالنا کیتی جدوں دا میں پیدا ہویا
توئیں میرا رب ہیں مالک تیرے باہجوں کوئی نہیں