تَھر تَھر کمبی دھرتی ساری، مُڈھوں مُولوں کُل پہاڑ تَھر تَھر کمبے، تَھر تَھر کمبے، غُصے وِچ سی رَب قہار ۱
اوس دے قہر تھوں دُھواں اُٹھیا، مُنہوں نِکلی اَگ بھر مار
بھسم کرن والی اَگ اوہ جس تھوں بَل اُٹھے انگیار
۲
اوہ آسمان نواں کے اُتریا، پیراں ہیٹھ سی گھُپ ہنیر
چڑھ کروبی تے اُڈ گیا، وا دے پراں نال اوہ فیر
۳
اوہدے اَنے بنے پردہ ہے سی گھُپ ہنیرے دا
بدلیاں دی گٹا دا تنبو، فیر ہنیرا پانی دا
۴
بدلی اوہدے اَگے لِشکی، جس دے چانن تھوں اِک وار
پاٹے سان فیر بدل سارے، ویکھو گلے تے انگیار
۵
گجیا غُصے نال اَسمان وِچ تد، یہوواہ پاک خُدا
ویکھو گلے تے انگیارے، ہے بُلارا اوسے دا
۶
اوس نے تِیر چلائے، اپنے ہوئے سبھو پریشان
بدلیاں لشکا کے، اوس نے کیتا اوہناں نُوں حیران
۷
تیری جھڑِکی نال یہوواہ، قہر جو تیرا شدت دا
تہ سمندر دی کُھل گئی، کھُلی دُنیا دی بناء
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.