زبور 119 (ساتواں وزن): فہم عطا کر مجھ کو خدایا

فہم عطا کر مجھ کو خدایا
تا شریعت کو تیری میں جانوں
1
تو ہی نے الہیٰ میرے صورت بنائی
ہاتھوں نے کاریگری یہ دکھائی
تو ہی نے مٹی سے مجھ کو بنایا
2
دل میں جو اپنے تجھ سے ہیں ڈرتے
مجھ کو وہ دیکھ کر خوشیاں ہیں کرتے
تیرے کلام پر ہے میرا بھروسا
3
تیرے نیاں سب ہین سچے الہیٰ
بھیجی محبت سے مجھ پر تباہی
جانتا ہوں میں سب یہ میرے خدایا
4
وعدہ کیا تو نے بندے سے جیسے
شفقت سے تیری تسلی ہو ویسے
مجھ پر تو ہو تیری رحمت کا سایہ
5
کیونکہ اسی سے میری زندگی ہے
تیری شریعت میں میری خوشی ہے
شرمندہ ہون سب گھمنڈی خدایا
6
میرے خلاف باندھ کے جھوٹے منصوبے
مجھ کو پہنچایا نقصان ہے اُنہوں نے
پر سب تیرے فرضوں کو یاد میں رکھوں گا
7
ایسا ہو یا رب کہ جو تجھ سے ڈرتے
تیری شہادتوں کو یاد کرتے
دل میری جانب ہے مائل اُن سب کا
8
ایسا تو کر اے خداوند میرا دل
تیرے قواعد کی جانب ہو مائل
تاکہ کبھی نہ ہوں میں شرمندہ