زبور 11: آس میری ہے یہواہ تے کیوں کہندے ہو سدا

آس میری ہے یہواہ تے کیوں کہندے ہو سدا
جان میری توں وانگ چڑی دے پہاڑاں نوں اڈجا
1
کہ دیکھ بدکار کماناں تے چلہ چڑھاندے ہین
تیراپنے جوڑ کے چلے وِچ لک کے چلاندے ہین
2
تاں مارن سچیاں لوکاں نوں ہنیرے دے وِچ اوہ
تد سچے کیہہ کر سکدے ہین جد نینہہ ای وگڑی ہو
3
یہواہ ہے پاک ہیکل وِچ تخت اوہدا ہے آسمان
اوہ ویکھدا تے آزماندا ہے جو سارے ہین انسان
4
خُداوند جاچدا صادق نوں روح پاک خُداوند دِی
گھن رکھ دی ہے اوہ ظالم تھوں بدکاراں کولوں وِی
5
بدکاراں اُتے گندھک اَگ اَنگیار ورھاوےگا
ہنیری جھکھڑہووے گی۔ تد حصہ اوہناں دا
6
کہ آپ یہوواہ سچا ہے اوہ سچ نوں چاہندا ہے
تے چہرہ اپنا سچیاں تے اوہ صاف چمکاندا ہے