زبور 103 (دوجا وزن): رحمت نال ہے بھریا ہویا پاک یہوواہ ساڈا

رحمت نال ہے بھریا ہویا پاک یہوواہ ساڈا
1
رحمت نال ہے بھریا ہویا پاک یہوواہ ساڈا
غصہ تے کرن دے وچ ہے وہ دھیرا پیار ات اوس دا ہے ڈاہڈا
2
ساڈے اتے وی رب اساڈا سدا نہیں جھنجھلاوے
اوڑھک تیکر نئیں ساڈے اوتے اپنا کرودھ وکھاوے
3
جیہی ساڈی ہے بریائی تیہا سلوک نہ کردا
اساڈے پاپاں وانگر ساہنوں بدلہ نئیں او دیندا
4
جناں اچا ایس دھرتی تھوں ایہہ آسمان ہے سارا
رب دے ڈرن والیاں اتے رحم ہے اوہدا بھارا
5
جناں چڑھدے تھوں ہے لہندا اونیں دور اساڈے
پاپ خدا نے چک کے سارے سٹے دور دراڈے
6
اپنے پتراں اتے جیہا ترس پتا ہے کھاندا
اپنے ڈرن والیاں اتے تیہا رحم وکھاندا
7
کیونکہ جاندا ہے اساڈی آپ بناوٹ ساری
بنے ہاں مٹی دے اسیں ایہہ گل نہ وساری
8
عمر منکھ دی گھاہ دے وانگر جنگلی پھُل وانگ پھلدا
وا جد وگے ناس ہوجاندا تھاں تے مڑ نہ لبھدا
9
رب دی رحمت اوہناں اتے جہیڑے خوف مناون
نال اوہناں دے سچ سدا ہے نسلاں جہیڑیاں آون
10
اوہناں اتے وی جو اوہدے عہد نوں ہین یاد کردے
ہاں جو اوہدے حکماں اتے اپنا دل ہین دھردے