زبور 1 (پہلا وزن): اوہ دھن ہے جو نہ من دا ہے صلاح شریراں دی

اوہ دھن ہے جو نہ من دا ہے صلا ح شریراں دی
نہ ٹُردا اے اوہ بُریاں دے راہ اُتے کدی وی
1
مخولیاں دے جلسے وِچ نہ کدی بہندا اے
پر دِنے راتیں شرع نوں اوہ سوچدا رہندا اے
2
حال اوہدا اے اوس بُوٹے وانگ جو لگا پانی تے
پھل اپنے ویلے دیوے گا نہ پتّر سُکن گے
3
اوہ اپنے سارے کماں وِچ پھل دائک ہووے گا
پر تُوڑی وانگر وا دے نال بدکار اُڈ جاوے گا
4
شریر تے وِچ کچہری دے کھلو نہ سکن گے
تے منڈلی وِچ سچیاراں دی بدکار نہ ٹھہرن گے
5
کیوں جو یہوواہ پاک خدا راہ جان دا صادق دا
پر راہ جو ہے شریراں دا سو اُڈ پُڈ جاوے گا