یسوع گُناہیاں دا یار تے ٹِکانہ

یسوع گُناہیاں دا یار تے ٹِکانہ
اوس ول مَن چِت چاہیدا ہے لانا
۱
اوس دِیاں متاں دِل نال منئے
چاہیدا ہے اوس وَل مَن نُوں لانا
۲
ساڈے گناہیاں دے بدلے مرن نُوں
دُنیا وچ ہویا اوس دا ای آنا
۳
اوہ تاں پُت ہے ربّ سچے دا
اوس دے ناں نُوں نِت لئی جانا
۴
انھیاں نُوں اکھیاں دِتیاں مسیح نے
بُھکھیاں نُوں دِتا اوس نے ہے کھانا
۵
سَد دا ہے سب نُوں آؤ میرے پِچھے
اسے دے مگرے چاہیدا ہے جانا
۶
کوڑھیاں نُوں چنگیاں اوس نے ہے کیتا
پاپاں دا کوڑھ وِی اوس نے مٹانا
۷
لُنجیاں نُوں پیر ہتھ ٹُنڈیاں نُوں دِتے
آئے جو دِل دا ہوئے نمانا
۸
کم اوہدے سارے ہین خُدا دے
لُنگیاں نُوں لتاں دے کے تُرانا
۹
ہُن تسیں سِدے اوہ تہانوں
مُردے دِلاں نُوں اوس جوانا
۱۰
ساڈیاں نیکیاں کوڈیاں دے مُل ہین
سُورگ مسیح بِن ہتھ نئیں آنا