یسوع آؤنا جدوں بدلاں تے بہھ کے

(دوہڑا)
جد آوے گا اوہ بدلاں اُتے
اکھیں ویکھیاں باہج کسے وی رہنا نئیں
رونا بابرؔ سب لوکاں نیں
اساں ہونٹاں تے فیر رہنا نئیں
...
(استھائی)
یسوع آؤنا جدوں بدلاں تے بہھ کے
حق سچ دا ترازو ہتھ لے کے
تے اوہنوں کیہ جواب دیویں گا
۱
ویلا دُور نئیں کوئی اوہنے بڑی چھیتی آؤنا ایں
تیرے عملاں دا حساب تیرے ناویں لاؤنا ایں
اج دسدا کلام، ہونی دُنیا دی شام
پورا ہونا انجام، خیر روویں گے
ویکھیں روویں گا ہورے اکھیاں چ لے کے
تے اوہنوں کیہ جواب دیویں گا
۲
رئی عملاں تھوں خالی تیری سدا زندگانی
اگ دوزخاں دی ڈاہڈی تیتھوں جھلی نئیوں جانی
تیری جندڑی ملوک
دینی دوزخاں نے پھُوک
کسے سُننی نئیں ہوک
سڑ جاویں گا
مر جاویں گا تُوں اگ وچ پے کے
تے اوہنوں کیہ جواب دیویں گا
۳
رکھ یسوع تے ایمان گلاں اوہدیاں تُوں جان
چھڈ بدی والی راہ بن سچا انسان
کجھ سوچ لے نادانا
بُرا غیراں دا یارانہ
کیہڑا لاویں گا بہانہ جدوں آ گیا
جدوں آ گیا اوہ بدلاں تے بہھ کے
تے اوہنوں کیہ جواب دیویں گا
۴
دُکھ بابرؔ لُکا کے لِکھ گیت ربّ دے
ہتھوں کھُنجے ہوئے ویلے نئیوں کدی لبھدے
بوہتا غم نہ تُوں کر
وڈا حوصلہ کر
اے یقین لے کر مر جاویں گا
مر جاویں گا تُوں سوچاں وچ پے کے