یارب تیری جناب میں ہر گز کمی نہیں

یارب تیری جناب میں ہر گز کمی نہیں
سارے جہاں میں تجھ سا تو کوئی غنی نہیں
۱
رکھتا ہے اپنی ذات میں جو کچھ تُو خوبیاں
انساں میں ایک بات بھی تجھ بِن بھلی نہیں
۲
سب نعمتوں کا تُو ہی خزانہ ہے اے مسیح
ارض و سما میں تجھ سا تو کوئی دھنی نہیں
۳
دل کو ہمارے روحِ مقدس سے نرم کر
ہم سے درست ہووے یہ ممکن کبھی نہیں
۴
اے آفتابِ صدق جہاں کا تُو نُور ہے
تُو جس جگہ نہیں ہے وہاں روشنی نہیں