ٹُرئیے یسوع دے نال جہیڑا ڈگدے نوں لیندا سنبھال ابلیس نوں مارن لئی اوہ ہے ساڈی سپر تے ڈھال ۱
ساڈی عقل دا بوہا کھُل دا نئیں
اوہ فیر وی ساہنوں بھُل دا نئیں
اسی نافرمانی کرنے آں
شیطان دا پلہ پھڑنے آں
نئیں کردے اوہدا خیال
جہیڑا ڈگدے نوں لیندا سنبھال
۲
اسی توبہ تھوں گھبرانے آں
جو شیواں منگانے کھانے آں
کیوں خوف خُدا دا رکھدے نئیں
کر کر کے گناہ وی تھکدے نئیں
اج دئی اے اوہدی مثال
جہیڑا ڈگدے نوں لیندا سنبھال
۳
اوہ پیار دی اینی حد کردا
ستر ماواں تھوں ودھ کر دا
نئیں چاہندا کسے دی موت ہووے
کوئی وی گناہ چ نہ فوت ہووے
اوہدی قدرت ہے باکمال
جہیڑا ڈگدے نوں لیندا سنبھال
Please note: The video/audio is provided just for reference purpose only to help people learn the tune. In case of any typo, wrong worshiper/poet/composer/category or any other issue in lyrics,
Report an Issue
Thank You!
Your report has been submitted successfully. We will fix it as soon as possible.