تھکے تھکے سے حوصلے گھبرانا نہیں

تھکے تھکے سے حوصلے گھبرانا نہیں
گہری گہری گھاٹیاں ڈر جانا نہیں
اکھڑے اکھڑے سے قدم رک جانا نہیں
آنکھیں رکھنا یسوع پر تھک جانا نہیں
خداوند تیرا چوپان ہے ، یسوع مسیح نگہبان ہے
یہوواہ تیرا سائبان ہے
یہی تو تیری پہچان ہے
۱
صحراؤں میں چشمے جاری کرے گا وہ
راکھ کے ڈھیر میں چنگاریاں بھرے گا وہ
ٹوٹی آشاؤں میں دیپ جلائے گا
تجھ کو پھر سے جینا وہ سکھلائے گا
۲
اُس نے چھوڑا نہ کبھی وہ چھوڑے گا
رُخ طوفانوں کا یہوواہ موڑے گا
دشمن کا منہ آپ خداوند توڑے گا
ٹوٹے دل اپنے لہو سے جوڑے گا