تیری کون سی ہے منزل تیرا کارواں کہاں ہے

تیری کون سی ہے منزل تیرا کارواں کہاں ہے
او جانے والے راہی تیرا آشیاں کہاں ہے
۱
تیرا قافلہ چلا جب اقرار تھا نہ رُکنا
تو بھول بیٹھا منزل وعدہ تیرا کہاں ہے
۲
ہو دنیا تم سے روشن یسوع نے یہ کہا تھا
تیری راہ کیوں سیاہ ہے دیپک تیرا کہاں ہے
۳
میرا خون تیری خاطر صلیب پر بہا تھا
میری دھارا سب نے دیکھی اپنی دکھا کہاں ہے
۴
میں بے وفا ہوں عاجزؔ تو باوفا مسیحا
محشر میں ڈھونڈ لینا بندہ تیرا کہاں ہے