تیرے قریب آ کے ہمیں زندگی ملے

تیرے قریب آ کے ہمیں زندگی ملے
اے یسوع تیرے پیار کا دیا سدا جلے
۱
اندھے کو بینائی ملی بیمار کو شفا
مصلوب کرنے والوں کو بھی معاف کر دیا
تجھ کو عزیز ہر بشر ہے آسماں تلے
۲
تو نے دکھایا راستہ سب کو نجات کا
تو ہے وسیلہ اے مسیح ابدی حیات کا
تو پانیوں پہ اے ناصری سنگ ہوا کے چلے
۳
الفت سے آسمان کا بھی تُو نے سفر کیا
اپنا بدن ہے پیار سے سب کی نذر کیا
سب کو لگائے پیار سے تُو اے مسیح گلے
۴
اے یسوع تیرے پیار کو زوال ہی نہیں
تیری جہاں میں اے مسیح مثال ہی نہیں
راہِ اماؤس پر وہ تیرا آنا دن ڈھلے