تیرے دِل میں مجھ کو جگہ ملی

تیرے دِل میں مجھ کو جگہ ملی
میرا دِل پکارے مسیح مسیح
تیرا پیار ہے میری زندگی
میری زندگی ہے میرا مسیح
۱
مَیں گناہ کے ہاتھ بکا ہُوا
یہ ہے سچ کہ مَیں تھا مرا ہُوا
تُو نے میری موت قبول کی
مجھے بخش دی تُو نے زندگی
۲
مَیں اندھیری راہوں پہ ہو لیا
مَیں گناہ کی وادی میں کھو گیا
تیری آنکھ مجھ پہ لگی رہی
میرے پاس آئی سلامتی
۳
نہ پھِروں گا اب کہیں در بہ در
تُو ہُوا ہے خُود میرا ہمسفر
مجھے منزلیں ہیں پکارتی
مَیں رہوں گا اب تیرے ساتھ ہی