تیرے دِل کے دَر پر یسوع کھٹکھٹاتا

تیرے دل کے در پر یسوع کھٹکھٹاتا
کھول دے تو دروازہ وہ ہے آنا چاہتا
۱
بننا چاہتا وہ ہے ہاں ہاں ، تیرا ہی مہمان آج
تیرا غم و فکر وہ ہے اٹھانا چاہتا
۲
خوشی اپنی دیتا ہاں ہاں ، تجھ کو اے مسیحی
رات دن تیرے ساتھ ہی وہ ہے رہنا چاہتا
۳
نرم آواز سے بولتا ہا ں ہاں ، مؤا واسطے تیرے
چھوڑ دے بدسلوکی کھول دے در میں آتا
۴
تیری خاطر میں نے ہاں ہاں ، پہنا تاج خار دار
تجھ کو اب جلالی تاج ہوں میں پہناتا
۵
بے وفا نہ ہو تو ہاں ہاں ، میرے خون خریدے
کر میرا اقرار تو مجھ سے کیوں شرماتا
۶
کھولتا ہوں دروازہ ہاں ہاں، دل کا اے مسیحا
آ اور اس میں رہ تو میں ہوں دل سے چاہتا