تیرا جلال خدایا فلک پہ سب گائیں

تیرا جلال خدایا فلک پہ سب گائیں
زمین پہ نیکی کے خواہاں سلامتی پائیں
۱
تیری تعریف ہو مالک کہ ہے مبارک تُو
ہم ہیں ساجد اور شاکر کہ ہے جلال کا تُو
۲
بزرگ و برتر ، خدایا تُو ہی قادر ہے
تُو ہے عظیم ، ہے خالق ، تُو ہی رہبر ہے
۳
خدا کا بیٹا ، مسیحا ، خدا کا اکلوتا
خدا کا پیارا ، نرالا ، بنا ہے پہلوٹھا
۴
قبول کر تُو دعائیں تُو معاف کر دے ہمیں
تُو ہی جلال کا مالک ہے روح سے بھر دے ہمیں
۵
اکیلا پاک، خداوند، عظیم تُو ہی خدا
قدوس باپ کا بیٹا، رحیم تُو ہے خدا