تن میں قوت نہیں ، مَن بھی میلا سا ہے

تن میں قوت نہیں ، مَن بھی میلا سا ہے
اَے خداوند خدا، آ مجھے تھام لے
تن کی قوت ہے تو ، من کی شکتی ہے تو
اَے شاہ دو جہاں، آ مجھے تھام لے
(۱)
بھاری بھاری قدم ، اُکھڑے اُکھڑے سے دم
اپنے اپنے نہیں، کھل گئے سب بھرم
رحم کرمعاف کر روح کے مسح سے بھر
ہے تیرا آسرا آ مجھے تھام لے
(۲)
ولولے کیا ہوئے ، آشیاں لُٹ گئے
اشک تھمتے نہیں ، آسرے چھٹ گئے
ہوک دل سے اُٹھی ، اپنا چہرہ دکھا
بخش دے ہر گناہ آ مجھے تھا م لے
(۳)
زُور بازوہے تو، تُو ہی سنگیت ہے
جسم و جاں کی شفا ، تُو میرا میت ہے
تونے سن لی دُعا ، شکریہ شکریہ
ہاں تُو ہی خدا آمجھے تھام لے