سن دھیئے بے نصیبے گل حق سچ دی

سن دھیئے بے نصیبے گل حق سچ دی
تُوں نئیں نچدی تیرے چ تیری موت نچ دی
۱
کاہنوں آئی ایں میرے سامنے نی مر جانیئے
میرا ای تیر میرے سینے وچ جڑ جانیئے
سینہ سچ دا ہی رہنا رہنی اگ مچ دی
۲
متھے لگیوں تے متھے دی لکیر پھُٹ گئی
دھیئے میرئیے نی تیری تقدیر پھُٹ گئی
کیویں بچیئے بچاواں تُوں نئیں میتھوں بچ دی
۳
تیری منّت میں رب نال من بیٹھا واں
تیری زندگی دا ٹھُوٹھا ہتھیں بنھ بیٹھا واں
میری بچیئے رئی نہ گل میرے وس دی
۴
میرے بابلا سو واری میری جند وار دے
بندے رب دی نئیں قول دے کے قول ہار دے
گل والیاں نوں ایہہ تے گل نئیوں جچ دی
۵
مینوں سکھیاں دے نال ہوکے بھر لین دے
۔۔۔
میں حاضر میری جند وی حاضر
میں نئیں موتوں ڈردی
میرے بابلا تیرے اگے میں منتاں اے کر دی
کہ
مینوں سکھیاں دے نال ہوکے بھر لین دے
۔۔۔
ڈور حیاتی والی اج تھوں میرے نالوں ٹُٹی
اپنے رب تھوں لے دے مینوں دو مہینے دے چھُٹی
۔۔۔
مینوں سکھیاں دے نال ہوکے بھر لین دے
ماتم اپنی جوانی اُتے کر لین دے
جاوے موت ہولی ہولی میرے ہڈیں رچ دی
۶
تُوں وی فانی ایں تے طالبا ؔجہان فانی اے
۔۔۔
دولت حسن جوانی ماپے جھوٹھا ای جگ تے ناواں
اک گھڑی دے سب پرونے ایہہ ڈھلد پرچھاواں
یاراں دی وی یاری جھوٹھی پھوکا مان بھراواں
طالباؔ شیش محل مینارے ایہہ سب رہن سراواں
۔۔۔
تُوں وی فانی ایں تے طالبا ؔجہان فانی اے
۔۔۔
اوہ پردیسی تُوں پردیسی مَیں وی آں پردیسی
ایس دنیا تے اُتے باوا کوئی نئیوں وسدا دیسی
۔۔۔
تُوں وی فانی ایں تے طالبا ؔجہان فانی اے
۔۔۔
ایہہ گل لاگو سبھناں اُتے چاہے گورا چاہے کالا
آؤندے تے فیر ٹُر دے جاندے سب دا ای ایہو چالا
اک پشت نوں دوجی دا فیر یاد نہ روے حوالہ
طالباؔ مُڈھ قدیموں ای ڈٹھا کوئی نئیوں دیساں والا
۔۔۔
تُوں وی فانی ایں تے طالبا ؔجہان فانی اے
۔۔۔
ایوی کھپ کھپ مرنا ایں پیارے کُوڑ دے محل بناویں
جہیڑے رُکھ نوں پانی دیناایں تُوں نئی بہھناں چھاویں
۔۔۔
تُوں وی فانی ایں تے طالبا ؔجہان فانی اے
۔۔۔
تیر نظر دے شست و نامے الٹے کریں نشانے
کہیڑے کم نوں آیا سیں تُوں لگیاں ایں کس دھیانے
اک گھڑی دا تُوں ونجارا تے بیٹھا ایں گڈ ٹھکانے
میلا چلو چلی دا باوا تُوں طالبؔ نہ جانے
۔۔۔
ہن وی سوچ سمجھ دا ویلا آؤنے وقت کولے
کدھر گئے فرعون جئے جو کر گئے بلے بلے
اج نمرودنی دِسدا جس دا تیر خدا ول چلے
طالباؔ لیکھا شاہ نے منگنا ایں کجھ تے بنھ لے پلے
۔۔۔
تُوں وی فانی ایں تے طالبا ؔجہان فانی اے
۔۔۔
ناں رکھدے نیں اللہ دتا چاہیدا اے اللہ کھڑناں
بڑیاں ای چاواں دے نال ماں نے ناں جیوناں دھرنا
جیکر اوڑک نوں مر جانا کیہ ایس ناں نوں کرنا
چنگا کردوں جے رکھ لیندوں ناں سائیں مرنا
۔۔۔
تُوں وی فانی ایں تے طالبا ؔجہان فانی اے
۔۔۔
رُکھا اُچیا جوانی تیری ٹُٹ جانی اے
ٹُٹ جانی جیویں ٹُٹ جاندی چُوڑی کچ دی