سانس سے بھی قریب آ تو سہی

سانس سے بھی قریب آ تو سہی
پورے دل سے مجھے بلا تو سہی
تیری تنہائیوں کا ساتھی ہوں
مجھ سے تنہائیاں سجا تو سہی
۱
میں نے اپنا لہو بہایا ہے
اِس لہو سے تجھے سجایا ہے
میں یہوواہ مسیح خداوند ہوں
مجھ کو اپنا خدا بنا تو سہی
۲
میں گنہگار کی معافی ہوں
لعنتوں کی عجب تلافی ہوں
میں مسیحا شفا کا منبع ہوں
میری شفقت کو آزما تو سہی
۳
دل کی دھڑکن مجھی سے آتی ہے
سانس تیری مجھے بلاتی ہے
کھٹکھٹاتا رہوں بتا کب تک
آنکھ مجھ سے ذرا ملا تو سہی