روحِ پاک کا دریا بہنے والا ہے کہ دَور نیا

روحِ پاک کا دریا بہنے والا ہے
کہ دَور نیا اک روح کا آنے والا ہے
۱
روحِ پاک کے چھا رہے ہیں بادل اب
کثرت کی بارش کی صداہے سن لو سب
پھر سے یہوواہ مینہ برسانے والا ہے
۲
بڑے بڑے پہاڑ بھی ٹھہر نہ پائیں گے
روح کی چوٹ سے خود ہی گرتے جائیں گے
ہر ٹیلہ میدان ہو جانے والا ہے
۳
سوکھی مردہ ہڈیاں جو ہیں بکھری ہوئی
زندہ ہوں گی روح کی جب بھی آندھی چلی
کہ روح کا دم پھر پھونکا جانے والا ہے
۴
پنتکست کے شعلے پھر سے آئیں گے
جوش سے سارے دل بھی بھرتے جائیں گے
روح کی مے پھر یسوع پلانے والا ہے