رستہ دکھلانے کو پیارو ایک ستارہ کافی ہے

رستہ دکھلانے کو پیارو ایک ستارہ کافی ہے
یسوع الفا اور اومیگا اُس کا سہارا کافی ہے
۱
دِن ہفتوں کا نہیں تھا لوگو سفر تھا سال مہینوں کا
سونا مُر لوبان کے سنگ تھا سجدہ خاص جبینوں کا
تھکن سے چُور شہنشاہوں کو اُس کا نظارہ کافی ہے
۲
آج جنم دِن یسوع کا ہے مل کے جشن منائیں ہم
دے کے مبارک اِک دوجے کو جھومیں ناچیں گائیں ہم
باپ سے پھر ملوادینے کو اُس کا دُلارا کافی ہے
۳
دیکھو تنہا رہ جائیں نہ مفلس اور نادار ہیں جو
تحفے شاخ پہ نہ لٹکاؤ اُن کو دو حقدار ہیں جو
عاقل بالغ لوگوں کو اک بار اشارہ کافی ہے