قانایِ گلیل کی مے پی کر

قانایِ گلیل کی مے پی کر
پینے کا سرور آ جاتا ہے
اِک چین سا دِل کو ملتا ہے
آنکھوں میں بھی نُور آ جاتا ہے
۱
چھایا ہے صحابِ کرم ہر سو
امکان ہے رحمتِ باراں کا
جی بھر کے پیو اے مے نوشو
یہ جشن ہے موجِ بہاراں کا
جو اِس مے خانے سے پی لے
جینے کا شعور آ جاتا ہے
۲
محروم جو ہیں اِس راحت سے
اِس گھر کی فضیلت کیا جانیں
دامانِ تہی لانے والے
پاتے ہیں کیا دولت کیا جانیں
فیضان لٹایا جاتا ہے
اور دل کو سُرور آ جاتا ہے
۳
آماجگاہِ الفت ہے یہ
یاں درد کا چارہ ہوتا ہے
یاں سر کو جھکانے والے کو
خالق کا نظارہ ہوتا ہے
دل جگمگ کرنے لگتا ہے
جب لمحۂ نُور آ جاتا ہے