میں گل خدا دی سناں گا جد کرے گا کلام
Main gal Khuda di sanaan ga jad kare ga kalaam
کہ اوہ تے اپنے بندیاں نال پاک لوکاں نال تمام
Ke oh te apne bandiyan naal, paak lokan naal tamaam
1
گل کرے گا جو اُس دی بات ہے صلح سلامتی دی
Gal kare ga jo us di baat hai sulah salaamti di
پر چاہیدا ہے جو مڑیئے نہ ایس گل توں اسیں وی
Par chaahida hai jo muddiye na ais gal ton assi vi
2
ہے مکتی نیٹرے اوہناں دے جو رکھدے اُس دا ڈر
Hai mukti nehrre ohnaan de jo rakhde us da darr
تاں ساری دھرتی ساڈی وی جلال دا ہووے گھر
Taan saari dharti saadi vi jalaal da howe ghar
3
سچیائی رحمت آپو وِچ ہن دونویں ملیاں ہین
Sachchai rehmat aapo vich han donaven maliyan hin
تے چمیا ہے اک دُوجی نوں سچیائی صلح نیں
Te chamiya hai ik dooji nu sachchai sulah nen
4
ہن دھرتی وِچوں ویکھو گے سچیائی اُگے گی
Hun dharti vichon vekho ge sachchai ugge gi
سچیائی وی اسماناں تھوں ہن جھاتی پاوے گی
Sachchai vi asmaanon thon hun jhaati paave gi
5
جو چنگا ہے سو دیوے گا یہواہ با لیقین
Jo changa hai so deve ga Yahwah ba yaqeen
تے اپنا حاصل دیوے گی ایہہ ساڈی سب زمین
Te apna haasil deve gi eh saadi sab zameen
6
سچیائی اوہدے اَگے ہی تد چلدی جاوے گی
Sachchai ohde agge hi tad chaldi jaave gi
تے اوہدے کھرے پینتڑے نوں اِک راہ بناوے گی
Te ohde khare peintre nu ik raah banaave gi