ساریو لوکو ساڈےرب نوں دھن دھن آکھ کے گاؤ
Sario loko sade Rab nu dhun dhun aakh ke gao
اوہدی اُستت دے وِچ سبھو خوش آواز سناؤ
Ohdi ustat de vich sabho khush aawaz sunao
1
ساڈی جندڑی نوں حیاتی آپ عطا فرماوے
Sadi jindri nu hayati aap ata farmawe
ساڈے پیراں نوں خداوند تِلکن تھوں بچاوے
Sade peran nu Khudawand tilkan thon bachave
2
اے خداوند توں تے سانوں آپیں ہے آزمایا
Ae Khudawand tuun te sanu aapen hai aazmaya
تایا تُوں اجیہا سانوں جیویں روپے نوں تایا
Taya tuun ajihha sanu jiwen rupe nu taya
3
ساڈیاں لکاں تے دُکھ بدھا پھاہی وِچ پھسایا
Sadian lakaan te dukh badha phahi vich phasaya
توئیں ساڈیاں سراں اُتے لوکاں نوں چڑھایا
Tuun sadian saraan utte lokan nu chadhaya
4
پانی اَگ وِچ پئے اسیں سب پر خدایا توئیں
Pani ag vich paye asin sab par Khudaya tuun
سانوں کڈھ کے چنگے تھا ں وِچ آپ پچایا توئیں
Sanu kadh ke change than vich aap pachaya tuun
5
سوختنی قربانی لے کے تیرے گھر وِچ جاواں
Sookhtni qurbani le ke tere ghar vich jawan
تیرے اَگے اے خداوند نذراں سب چڑھاواں
Tere agay ae Khudawand nazran sab chadhawan
6
جیہڑیاں اپنے مونہوں منیاں دُکھ جد سر تے آیا
Jehdiyan apne munh maniyan dukh jad sar te aaya
اوہ سبھو گزراناں گا میں میرے پاک خدایا
Oh sabho guzranan ga main mere pak Khudaya
7
پالے ہوئے وچھے بکری بھیڈاں دی خوشبوئی
Pale hoye vichhe bakri bhedan di khushbuoi
سوختنی قربانی ربا تیرے اَگے ڈھوئی
Sookhtni qurbani Rabba tere agay dhui