سنے دھرکن ادنیٰ اعلیٰ محتاج تے دولت والا
Sune dharkan adna aala mohtaaj te dolat wala
1
میرے منہ نے حکمت والے کلمے نے خوب نکالے
Mere mun ne hikmat walay kalme ne khoob nikale
میرا دل ہے دانش والا
Mera dil hai danish wala
2
تمثیل اُتے کن لانواں نالے بربط خوب وجاواں
Tamsil utte kun laanwan nale barbat khoob wajawan
کھول دساں بھید نرالا
Khol dasaan bheyd narala
3
ڈراں دُکھ دے کیوں دہاڑے بد گھیرے مار کے دھاڑے
Daraan dukh de kyon dahaaday bad ghere maar ke dhaaday
جیہڑا دولت دا متوالا
Jehda dolat da matwala
4
اوہناں وچ نہ کسے نوں یارا جو بھائی دا دے کفارہ
Ohna vich na kise nu yara jo bhai da dey kafara
ایہہ بدلہ نہیں سوکھالا
Ehh badla nahi sookhala
5
ایہہ کم کدی نہ ہو گا اوہ سدا نہ جیون جوگا
Ehh kam kadi na hoga oh sada na jeevan joga
کرے موت نہ اُس تھیں ٹالا
Kare maut na us thin taala
6
اوہ ویکھے دانا مَردے مورکھ وی وانگ ڈنگر دے
Oh vekhe dana mardey moorkh vi wang dangar de
دھن دُوجیاں ایہہ سنبھالا
Dhan doojiyan ehh sambhaala
7
اوہ سوچے "ساڈے گھر وی سدا قام رہندے در وی
Oh soche “saaday ghar vi sada qaam rehndey dar vi
"میں ہاں زمیناں والا
"Main han zameenan wala
8
اوہ سدا نہ عیش کماندا وانگ ڈنگر دے مر جاندا
Oh sada na aish kamanda wang dangar de mar janda
انسان جو دولت والا
Insaan jo dolat wala
9
نادانی راہ اوہناں دا جو مگر اوہناں دے جاندا
Nadani rah ohnaan da jo magar ohnaan de janda
منے اوہناں دا چالا
Manay ohna da chaala
10
بھیڈاں وانگر قبرے پائے چر موت اوہناں نوں جائے
Bhedan wangar qabre paye char maut ohna nu jaye
سچیار ہون حاکمِ اعلیٰ
Sachiyar hon Hakim-e-Aala
11
موت شکلاں سب وگاڑے جد جا پین قبرے سارے
Maut shiklan sab vagaare jad ja paian qabre sare
رہیا کوئی نہ پھر گھر والا
Rehya koi na fir ghar wala