میرے دل وچ شاہ دے ولوں خوش خیال جو آیا ہے
Mere dil vich Shah de walon khush khayaal jo aaya hai
اوہدا میں بیان ہاں کردا جو مضمون بنایا ہے
Ohda main bayan haan karda jo mazmoon banaya hai
1
میری ایہہ زبان ہے قلم چھیتی لکھن والے دی
Meri ehh zubaan hai qalam cheti likhan walay di
بنی آدم تھوں ہے ودھ کے تیری سوہنی صورت وی
Bani Adam thon hai wadh ke teri sohni soorat vi
2
تیرے ہونٹاں نے اے بادشاہ رحم تے فضل پایا ہے
Tere hontan ne ae Badshah Reham te fazal paaya hai
ایس لئی مبارک تینوں رب نے آپ ٹھہرایا ہے
Is lai mubarak tinu Rab ne aap thehraya hai
3
اے جبار اٹھ پہن لے اپنی توں بزرگی دی تلوار
Ae Jabbar uth pehn le apni tuw buzurgi di talwar
اپنی عزت تے بزرگی حشمت دے نال ہو اسوار
Apni izzat te buzurgi hishmat de naal ho aswaar
4
توں سچیائی تے حلیمی اپنی راستی لئی بادشاہ
Tu sachaii te haleemi apni raasti lai Badshah
آپ اپنے اقبال دے اندر اگے اگے ودھدا جا
Aap apne iqbal de andar agay agay wadhda ja
5
تیرے ہتھ اے بادشاہ تینوں ڈاہڈے کم سکھاون گے
Tere hath ae Badshah, tinu dahday kam sikhawan ge
تیرے تکھے تیرا دے نال لوکی ڈگ ڈگ جاون گے
Tere takhay tera de naal loki dag dag jaawan ge
6
تیرے دوتی دشمناں دے دِل دے اندر اے بادشاہ
Tere doti dushmanan de dil de andar ae Badshah
تیرا تکھا تیر ہے ڈاہڈا دُسر پار ہو جاوے گا
Tera takha teer hai dahda dusar paar ho jaave ga
7
اے خداوند تخت جو تیرا سدا قائم رہے گا
Ae Khudawand takht jo tera sada qa'im rahe ga
تیری سلطنت دا عصا، عصا ہے سچیائی دا
Teri saltanat da asa, asa hai sachaii da
8
توں سچیائی نوں ہیں چاہندا دشمن ہیں بریائی دا
Tu sachaii nu hain chaahnda dushman hain buraii da
تیرے رب نے تیرے سِر تے ملیا تیل ہے خوشی دا
Tere Rab ne tere sir te milya teil hai khushi da
9
سب مصاحباں تھوں ودھ کے توں ہیں چُنیا خاص الخاص
Sab musahiban thon wadh ke tu hain chunya khaas al-khaas
عُود تے مُر تے تِج نال رَچیا تیرا خوشبو دار لباس
Ood te mur te tij naal rachya tera khushbu daar libaas
10
دند کھنداں دے محلاں اندر اوہناں تینوں کیتا پیار
Dand khandan de mehlan andar ohna tinu kita pyaar
تیرے گھر وچ بادشاہاں دی بیٹیاں رہندیاں عزت دار
Tere ghar vich Badshahan di betiyan rahndiyan izzat daar
11
سونا پہنیا ہے اوفیر دا گہنا گٹّا موتی ہے
Sona pehnaya hai Ophir da gehna gitta moti hai
تیرے سجے ہتھ شہزادی ادب نال کھلوتی ہے
Tere sajay hath shehzadi adab naal khiloti hai