اوہ دھن جس دے بخشے گئے سب گناہ
Oh dhan jis de bakshe gaye sab gunah
تے ڈھکے گئے سارے اوگن سدا
Te dhakke gaye sare ogun sada
1
نہ رب جس دے پاپاں دا کر دا حساب
Na Rab jis de papan da kar da hisaab
اوہ دھن ہے تے دل اُسدا نئیں خراب
Oh dhan hai te dil usda nain kharab
2
میں جد چپ رہیا تد میری ہڈیاں
Main jad chup rahiya tad meri haddiyan
کراہندے ہوئے سارا دن گل گئیاں
Karahnday hoye sara din gul gayiyan
3
دنے وی تے راتیں وی میرے خدا
Danay vi te ratay vi mere Khuda
تیرا ہتھ میرے اتے بھارا رہیا
Tera hath mere utte bhara rahiya
4
تے چربی میری ساری پگھر گئی
Te charbi meri sari paghar gayi
تے گرمی دی خشکی نال بدل گئی
Te garmi di khushki nal badal gayi
5
تیرے کول کیتا گناہ دا قرار
Tere kol kita gunah da qarar
میں من لیا میں تے ہاں ڈاہڈا بدکار
Main mann lia main te han dahda badkar
6
میں کہیا یہوواہ دے اگے ضرور
Main kayia Yehovah de agay zaroor
میں مناں گا اپنے گناہ تے قصور
Main manana ga apne gunah te qusoor
7
سو میری بدذاتی دا بھارا گناہ
So meri badzati da bhara gunah
توں بخش دتا مینوں اے میرے خدا
Tuun bakhsh ditta mainu ae mere Khuda
8
ایس واسطے یا ربا جو لوک ہین دیندار
Ais waste ya Rabba jo lok hin deendar
توں جد تیکر لبھیں اوہ کرن گے پکار
Tuun jad takkar labhien oh karan ge pukaar
9
تے بھاویں دریاواں وچ اٹھے طوفان
Te bhaven dariyawan vich uthay toofan
نہ اوہناں دا ہووے گا کجھ وی نقصان
Na ohnan da howe ga kujh vi nuqsaan
10
ہیں تھاں میرے لُکن دی توئیں خدا
Hai thaan mere lukkan di tuain Khuda
بچاندا ہیں دکھاں تھوں توئیں سدا
Bachanda hain dukhan thon tuain sada
11
خوشی بخشدا مینوں کر دا نہال
Khushi bakhshda mainu kar da nehaal
توں گھیرا دا چھٹکارے دے گیتاں دے نال
Tuun gheray da chhutkaray de geetan de naal