Projector - زبور 31 (دوجا وزن): خوبیاں اپنی عجائب توں تے رکھیاں ہین چھپا

خوبیاں اپنی عجائب تُوں تے رکھیاں ہیں چھپا

Khobiyaan apni ajaaib toon te rakhiyan hain chhupa

واسطے اوہناں دے جو ڈر دے ہیں تیتھوں اے خدا

Wastay ohnaan de jo dar de hain tithon ae Khuda

ساہمنے لوکاں دے اوہناں اُتے کیتا رحم تُوں

Sahmne lokaan de ohnaan utte kita reham toon

یا ربا جو تیرے اُتے رکھدے اپنا آسرا

Ya Raba jo tere utte rakhde apna aasra

پر دے وچ اپنی حضوری دے چھپاندا اوہناں نوں

Par de vich apni huzoori de chhupanda ohnaan nu

لوکاں دیاں منصوبیاں تے سازشاں تھوں اے خدا

Lokaan diyan mansubiyan te saazishan thon ae Khuda

تُوں چھپاندا رحم کر کے جھگڑیاں تھوں اوہناں نوں

Toon chhupanda reham karke jhagdiyan thon ohnaan nu

اپنے تنبوئی دے اندر جتھے رہندا تُوں سدا

Apne tanbooi de andar jithe rehnda toon sada

ویکھیا جد حال اپنا بولیا گھبرا کے مَیں

Vekhya jad haal apna boliya ghabra ke main

تیری اکھیاں تھوں خدایا دُور ہاں سُٹیا گیا

Teri akhiyan thon Khudaya door haan suttia gaya

پر جدوں دتی دوہائی تیرے وڈے نام دی

Par jadon ditti dohai tere waday naam di

سن لئی تُوں اوسے ویلے میری منت دی صدا

Sun lai toon ose vele meri mannat di sada

مومنو رکھو محبت سب یہوواہ پاک نال

Momino rakho mohabbat Yahuwah paak naal

راکھا دینداراں دا ہے مغروراں نوں دیندا سزا

Rakhha deindaraan da ae magrooraan nu dinda saza

زور پکڑو جو یہوواہ کولوں رکھدے ہو اُمید

Zor pakro jo Yahuwah kolon rakhde ho umeed

بخشے گا دل نوں تہاڈے خوب مضبوطی خدا

Bakshe ga dil nu tahade khub mazbooti Khuda