سنیں اے یہوواہ توں میری ہن دعا نوں
Sunein ae Yehovah tuun meri hun dua nu
کن اپنا میریاں گلاں اُتے لا توں
Kun apna meriyan gallaan ute la tuun
1
اُتّر دئیں مینوں توئیں وفا تے سچیائی نال
Uttar dien mainu tuun wafa te sachaii naal
تیرے کولوں منگدا ہاں دل دی صفائی نال
Tere kolon mangda haan dil di safaii naal
2
اپنے بندے نوں توں عدالت تھیں بچا لے
Apne banday nu tuun adalat thain bacha le
تیرے اگے سچا ٹھہرے اوہدی کیہ مجال ہے
Tere agge sacha thehre ohdi keh majaal hai
3
دشمن میرے پچھے پیا لین میری جان دے
Dushman mere picche piya len meri jaan de
میری زندگانی نوں ہن مٹی وچ رُلان دے
Meri zindgani nu hun mitti vich rulan de
4
اوہنے مینوں اوہناں وانگر کیتا جہیڑے مر گئے
Ohne mainu ohnaan wangar kita jehrey mar gaye
مدت تھیں ہنیرے دے وچ جہیڑے واسا کر گئے
Mudat thain hanire de vich jehrey wasa kar gaye
5
ایس لئی جی میرا میرے وچ ہی حیران ہے
Es lai ji mera mere vich hi hairan hai
نالے میرا دل وی ہُن اُجر کے ویران ہے
Nale mera dil vi hun ujar ke veeran hai
6
یاد پچھلے دِناں نوں میں سدا کردا رہنا ہاں
Yaad pichlay dinan nu main sada karda rehna haan
سوچ تیریاں کمّاں دے وچ دل نوں دھردا رہناں ہاں
Soch teriyan kammān de vich dil nu dharda rehnaan haan
7
ویہناں تیرے ہتھاں دے کم اپنا جی لا کے
Veyhnan tere hathaan de kamm apna ji la ke
تیرے ول میں آؤناں اپنے دونویں ہتھ وَدھا کے
Tere val main auna apne donoen hath wadhā ke
8
میرے رُوح تہائی ہے ہُن وانگر خشک زمین دے
Mere rooh tehaii hai hun wangar khushk zameen de
ہے تہائی باہجوں اپے رب العالمین دے
Hai tehaii bahjoon ape Rab al-aalameen de