پکاردا ہاں یہوواہ نوں بلند آواز دے نال
Pukarda haan Yehovah nu buland awaaz de naal
یہوواہ اگے منتاں میں کرنا زور دے نال
Yehovah agge mantaan main karna zor de naal
1
میں کھول کے کرنا ہاں فریاد یہوواہ دی درگاہ
Main khol ke karna haan faryaad Yehovah di dargah
تے اوہدے اگے کردا ہاں بیان سب دُکھاں دا
Te ohde agge karda haan bayaan sab dukhaan da
2
توں راہ سب میرے جاندا ہیں اُداسی دا سب حال
Tuun raah sab mere jaanda hain udaasi da sab haal
وچھایا چھپ کے اوہناں نے اک میرے واسطے جال
Vichhaya chhup ke ohnaan ne ik mere waste jaal
3
نہ میرا کوئی جان پچھان ہے سجے ہتھ خدا
Na mera koyi jaan pachaan hai sajje hath Khuda
نہ میرا کوئی پچھے حال نہ میری ہے پناہ
Na mera koyi picchhe haal na meri hai panaah
4
میں اُچی دِتی کہیا ایہہ یہوواہ اے رحمان
Main uchi ditti kaiya eh Yehovah ae Rehmaan
ہیں حصہ میری زندگی دا توں میری ہیں چٹان
Hain hissa meri zindagi da tuun meri hain chattan
5
توں میری سن میں ہاں کمزور تے دشمن زور آور
Tuun meri sun main haan kamzor te dushman zor aawar
اوہ میرے پچھے پئے ہین چھڈا تے رحمت کر
Oh mere picche paye hain chhadda te rehmat kar
6
خدایا میری جان نوں توں ہن قیدوں لے چھڈا
Khudaya meri jaan nu tuun hun qaidon le chhadda
تاں سدا تیکر گاواں میں نام تیرے دی ثنا
Taan sada tekar gawan main naam tere di sanaa
7
اکٹھے ہون گے میرے کول پھیر سب سچے انسان
Akhatte hon ge mere kol pher sab sachay insaan
جد جانن گے کہ کریں گا توں میرے تے احسان
Jad jaanan ge ke karenga tuun mere te ehsaan