زبور 119 (تیجا وزن): مینوں جوالیں ربا مینوں جوالیں ہو
1
/ 20
مینوں جوالیں ربا مینوں جوالیں ہو
Mainu jowalein Rabba mainu jowalein ho
جیہڑے تُوں قول کیتے اوہناں نوں پالیں ہو
Jehre tuun qoul kite ohnan nu palen ho
رلدی ہے مٹی وچ میری ایہہ جان ہو
Raldi hai mitti vich meri ehh jaan ho
تیرے تے قولاں اُتے میرا ایمان ہو
Tere te qoulan utte mera iman ho
دسیاں تینوں ربا اپنیاں راہاں
Dasiyan tinun Rabba apniyan rahan
تدوں تُوں رحم کر کے سنیاں دعاواں
Tadon tuun rehmat kar ke saniyan duawan
اپنے تُوں حق سبھو مینوں سکھائیں
Apne tuun haq sabho mainu sikhain
اپنی شریعت دیاں راہاں وکھائیں
Apni shariat diyan rahan wikhain
تیرے عجائب کماں اُتے خدایا
Tere ajaib kaman utte Khudaya
دھیان میں اپنا چنگی طرحاں ہے لایا
Dhyan main apna changi tarhan hai laya
وگدے نیں ہنجو میرے دکھاں دے نال ہو
Wagde ne hanju mere dukhan de nal ho
مینوں سنبھالیں اپنے قولاں نوں پال ہو
Mainu sambhalen apne qoulan nu pal ho
جھوٹ دا راہ میتھوں رکھیں توں دور ہو
Jhoot da rah methon rakhen tuun door ho
بخشیں توں مہر کرکے شرع دا نور ہو
Bakhshen tuun mehr karke shari da noor ho
چنیا میں اپنے لئی رستہ سچیائی دا
Chuniya main apne lai rasta sachai da
تیرے تے قولاں نوں میں سامنے ہے رکھیا
Tere te qoulan nu main samne hai rakhya
تیریاں گواہیاں اُتے جی میرا لگدا
Teriyan gawahiyan utte ji mera lagda
مینوں یہوواہ نہ ہون دے شرمندہ
Mainu Yehovah na hon de sharminda
دوڑاں گا میں تیرے حکماں دے راہ تے
Doran ga main tere hukman de rah te
کیتا توں خوش ہے میرے دل نوں ودھا کے
Kita tuun khush hai mere dil nu wadhake
0
1
2
3
4
5
6
7
8
9
A+
A-
UR
RO
MIX
© 2025–2026 Fakhta.org — All rights reserved.