(دوہڑا)
(Dohrra)
نگر نگر دیاں گلیاں دے وچ
Nagar nagar diyaan galiyaan de vich
ہوکا دیندا ای اِک ہرکارا
Hoka dinda ae ik harkara
توبہ کر لوؤ مُڑ نئیں جے لبھنا
Tobah kar loo mud nahi jey labhna
لوکو منگیاں وقت اُدھارا
Loko mangiya waqt udhara
میرے مگرے آؤندا پیا جے
Mere magar aaunda piya je
اوہ میرا مالک بخشن ہارا
Oh mera Malik bakhshan haara
طالبؔ ایہہ گل کھول کے دسدا
Talib ae eh gal khol ke dasda
جدوں پچھدے لوک دوبارہ
Jadon puchhday lok dobaara
۔۔۔
(استھائی)
(Astahi)
یسوع دی شان جیہا لختِ یزدان جیہا
Yesu di shaan jiha lakhit-e-Yazdan jiha
ہور دُنیا تے کوئی نئیں دوسرا
Hor duniya te koi nahi doosra
دم دم بولو دم دم ہر دم
Dam dam bolo dam dam har dam
دم دم بولو دم دم ہر دم
Dam dam bolo dam dam har dam
اِک میرا یسوع اے تے اِک مریم
Ik mera Yesu ae te ik Maryam
۱
دساں کیہہ میں اوس دیاں لاجوابیاں
Dasaan kih main os diyaan lajawabiyaan
اوہدے اگے سبھے طاقتاں سلامیاں
Ohde agay sabh taaqataan salaamiyaan
قدرتاں اوہدیاں نیں بے حسابیاں
Qudrataan ohdiyan ne be-hisaabiyan
اوہدے ہتھ وچ اسما نی چابیاں
Ohde hath vich asmaanī chaabiyaan
کردے پابند تے پابند ہندا اے
Karday paaband te paaband hunda ae
یسوع آگھے بند ہو جا بند ہندا اے
Yesu aagay band ho ja band hunda ae
کھلے جدوں آکھے کھل جا سم سم
Khulay jadon aakhe khul ja sam sam
دم دم بولو دم دم ہر دم
Dam dam bolo dam dam har dam
۲
زندگی دے پھُلاں دا اے باغ جمیا
Zindagi de phulan da ae baagh jamya
امن دی راتاں دا سہاگ جمیا
Aman di rataan da sahaag jamya
پاک تے بے عیب تے بے داغ جمیا
Paak te be-aib te be-dagh jamya
بن کے او پاپیاں دا بھاگ جمیا
Ban ke oh paapiyaan da bhaag jamya
وڈے وڈے کم کر دا اے عمرے
Vadde vadde kam kar da ae umray
نکا جنا لڑکا افعی نوں پھڑے
Nikka janaa larka afai nu pharray
بھید او کلام دے بیان جا کرے
Bhed oh kalaam de bayan ja kare
کن ہون عالماں دے سن کے کھڑے
Kin hon aalmaan de sun ke kharray
چُٹکی کُو مٹی لے کے تلی تے دھرے
Chutki koo mitti le ke tali te dharay
پھُوک مار اوہدے وچ دم وی بھرے
Phook maar ohde vich dam vi bharay
پھوک جدوں ماری مٹی رُوپ دھار دی
Phook jadon maari mitti roop dhaar di
چڑی بن جاندی تے اُڈاری مار دی
Chhidi ban jandi te udaari maar di
جہیڑا ویکھے اوہدا ٹُٹ جاندا اے بھرم
Jahira vekhay ohda tut janda ae bharam
دم دم بولو دم دم ہر دم
Dam dam bolo dam dam har dam
۳
جگ اتے یسوع دی پیدائش وکھری
Jag ute Yesu di paidaish vakhri
پہلی واری ویکھی اے نمائش وکھری
Pehli vaari vekhi ae numaish vakhri
پیار اوہنوں پائی فرمائش وکھری
Pyaar ohnun paayi farmaish vakhri
چرنی چ اوس دی پیدائش وکھری
Charni ch os di paidaish vakhri
چرنی دی شان آسمان مندا
Charni di shaan aasman manda
وڈے وڈے ملکاں دا مان مندا
Vadde vadde mulkaan da maan manda
جُگ جُگ وسے اوہدا بیت لحم
Jug jug vase ohda Beit Lahm
دم دم بولو دم دم ہر دم
Dam dam bolo dam dam har dam
۔۔۔
دم بولے دم دم بولو یسوع دم دم
Dam bole dam dam bolo Yesu dam dam
ویکھیں ایک دم ہندا اے کرم
Vekhay ik dam hunda ae karam
دم دم بولئے تے مٹ جاندے غم
Dam dam boliye te mitt jande gham
جہیڑا دم بولے نہ او دم تے ستم
Jahira dam bole na oh dam te sitam
تیرے اُتے کنے پھُوک چھڈیا اے دم
Tere ute kinne phook chhadiya ae dam
دم کہیا دم ڈگ پیندا نہ گھڑام
Dam kahiya dam dag painda na gharaam
سچی گل کہندیاں تے آؤندی اے شرم
Sachi gal kahndiyan te aundi ae sharam
دم والے اوہدے آگے مار دے قدم
Dam wale ohde agay maar day qadam
۔۔۔
عدن چ شروع ہوئی پیار رسم
Adan ch shuru hui pyaar rasm
رسم نبھائی نہ تے ٹُٹ گئی قسم
Rasm nibhayi na te tut gayi qasam
فیر دتا پیار نے پیار نوں جنم
Phir ditta pyaar ne pyaar nu janam
جسم دے واسطے وٹا لیا جسم
Jism de waaste witta liya jism
چرنی دے وچ پہلاں رکھیا قدم
Charni de vich pehlan rakhya qadam
پوری کیتی کلوری تے پیار دی قسم
Puri keeti kalori te pyaar di qasam
دم دم بولو دم دم ہر دم
Dam dam bolo dam dam har dam
۔۔۔
…
چھڈ دے نکوریا کیہہ دم دا وساہ
Chhad de nakuriyaa kih dam da wasaah
سیدھی سادی گل وچ گنجھلاں نہ پا
Seedhi saadi gal vich ganjhlan na paa
زندگی دا والی یسوع حق نالے راہ
Zindagi da wali Yesu haq naale raah
نبیاں تے رہنماں خداواں دا خدا
Nabiyan te rehnumaan Khudawanda da Khuda
۴
صلح دا شاہزادہ جے عجیب تے مشیر
Sulh da shahzada jey ajeeb te masheer
شروع ایہو جگ دا تے ایہو اے اخیر
Shuru eho jag da te eho ae aakhir
رب اِک روح اے اوس دا شریر
Rab ik rooh ae os da shareer
عاملاں تے کاملاں دا سب دا اے پیر
Aamlaan te kaamlaan da sab da ae peer
سب اُتے ایہدی سرداری چلدی
Sab ute ehdi sardari chaldi
رب دی سونہہ اک وی نئیں گل ٹلدی
Rab di sonahh ik vi nahi gal taldi
جہیڑی گل لکھ دیوے لوہے دی قلم
Jahiri gal likh deve lohay di qalam
دم دم بولو دم دم ہر دم
Dam dam bolo dam dam har dam
۵
بندے وچ آکھدے نیں پنچ تک نیں
Banday vich aakhday ne panch tak ne
ونجلی دے وانگوں وچ چھید ست نیں
Vanjli de wangon vich chhed sat ne
نور دے چراغدان ست بلدے
Noor de charaghdan sat balday
ست ای کلیسیا دے نال چلدے
Sat ae kalisya de naal chalde
ستاں چ سنائی ساری بات کھول کے
Sataan ch sunayi saari baat khol ke
سُولی اُتے ست کلمات بول کے
Sooli ute sat kalmaat bol ke
کنجیاں وی کول دسو کِدھے ہتھ نیں
Kunjiyan vi kol daso kidhe hath ne
کھولیاں کتاب دیاں مہراں ست نیں
Kholiyan kitaab diyaan mehran sat ne
ست بسم اللہ میری جان آکھدے
Sat Bismillah meri jaan aakhday
ست رنگ ست آسمان آکھدے
Sat rang sat aasman aakhday
سُر وچ سُر پا کے گیت چلدا
Sur vich sur paa ke geet chalda
ستاں سُراں نال ہے سنگیت چلدا
Sataan suran naal hai sangeet chalda
سارے گا ما پا دھا نی سا گاؤ سرگم
Saare ga ma paa dha ni sa gaao surgam
دم دم بولو دم دم ہر دم
Dam dam bolo dam dam har dam
۔۔۔
دم بولے دم دم گلی گلی
Dam bole dam dam gali gali
میں افسر اوس اکبر ناصری دا
Main afsar os Akbar Nasiri da
میں نوکر اوس دلبر ناصری دا
Main nokar os dilbar Nasiri da
میں راہ واں اپنے رہبر ناصری دا
Main raah waan apne rehbar Nasiri da
میں اک ادنیٰ پیامبر ناصری دا
Main ik adna payambar Nasiri da
گلی گلی ۔۔۔ دم بولے دم دم گلی گلی
Gali gali… dam bole dam dam gali gali
۔۔۔
میرا تے اوس دا اے فرق چوکھا
Mera te os da ae farq chokha
ذرا سن لے میرے تُوں بھلیا لوکا
Zara sun le mere toon bhaliya loka
او آقا اے تے میں نوکر کروکا
Oh aaqa ae te main nokar karooka
دتی آواز مَیں اے مار ہوکا
Ditti aawaz main ae maar hooka
گلی گلی ۔۔۔ دم بولے دم دم گلی گلی
Gali gali… dam bole dam dam gali gali
۔۔۔
کرے گا صاف اگ دے بھسمیاں نوں
Kare ga saaf ag day bhasmiyaan nu
میرا سلام اوہدے چشمیاں نوں
Mera salaam ohde chashmiyaan nu
میری توبہ میں اِس قابل نئیں آں
Meri tobah main is qabil nahi aan
اوہدی جُتیاں دے کھولاں تسمیاں نوں
Ohdi jutiyan de kholaan tasmiyaan nu
گلی گلی ۔۔۔ دم بولے دم دم گلی گلی
Gali gali… dam bole dam dam gali gali
۶
دکھیاں نوں دسو کیہڑا چین دیندا اے
Dukhiyan nu daso kihda chain dinda ae
انھیاں نوں مٹی گوہ کے نین دیندا اے
Unhiyan nu mitti goh ke nain dinda ae
کوڑھیاں دے کوڑھ نئیوں رہن دیندا اے
Kodhiyaan de koodh naiyo rehnda dinda ae
ہوکے نئیوں غماں والے لین دیندا اے
Hoke naiyo ghumaan wale leen dinda ae
زندگی نوں عرشاں تھوں ڈور لگدی
Zindagi nu arshaan thon dor lagdi
لولیاں نوں نویں سرے ٹور لگدی
Loliyan nu navein saray tor lagdi
کِتوں نئیں جے سجنو اے ہور لگدی
Kiton nahi jey sajno ae hor lagdi
سولی تھلے جنتاں دی مہر لگدی
Sooli thalay jannataan di mehr lagdi
جہدے اُتے ہو جاندا اوہدا اے کرم
Jahday ute ho janda ohda ae karam
دم دم بولو دم دم ہر دم
Dam dam bolo dam dam har dam
۷
دسو کہیڑا پانیاں تے چل سکدا اے
Daso kihda paaniyaan te chal sakda ae
بول کے او جھکڑاں نوں کھل سکدا اے
Bol ke oh jhukraan nu khul sakda ae
بپھرے سمندراں نوں ٹھل سکدا اے
Biphre samundraan nu thal sakda ae
جھکڑاں نوں پُٹھے پیریں چھل سکدا اے
Jhukraan nu puthay peerin chhal sakda ae
ڈر دا طوفان اگوں لُک جاندا اے
Dar da toofan agay luk janda ae
جدوں آکھے رُک جا او رُک جاندا اے
Jadon aakhe ruk ja oh ruk janda ae
اک وی نئیں پُٹ سکدا او قدم
Ik vi nahi put sakda oh qadam
دم دم بولو دم دم ہر دم
Dam dam bolo dam dam har dam
۸
بدروحاں کدے کولوں کوف کھاندیاں
Badroohan kade kolon koof khaandiyan
اوہناں دیاں کہدے کولوں جاناں جاندیاں
Ohnan diyaan kehde kolon jaanan jandiyan
زندگی تے موت اوہدیاں نیں باندیاں
Zindagi te maut ohdiyan ne baandiyan
گئیاں جاناں دسو کِنے موڑ آندیاں
Gaiyaan jaanan daso kine mod aandiyan
قبر چ مُردے نوں واج مار کے
Qabar ch murday nu vaj maar ke
آکھدا اے مِل مینوں باہر آن کے
Aakhda ae mil mainu bahar aan ke
جتھے ہووے یسوع اوتھے موت دا کیہ کم
Jithe hove Yesu othe maut da kih kam
دم دم بولو دم دم ہر دم
Dam dam bolo dam dam har dam
۹
کئیاں مینوں اُلٹے سوال کیتے نیں
Kaiyan mainu ulte sawaal kite ne
ہورناں وی مُردے جوال دِتے نیں
Hornan vi murday joal ditte ne
میں کہناں کوئی نئیں جوال سکدا
Main kahna koi nahi joal sakda
قبراں دے وچوں نئیں اُٹھال سکدا
Qabran de vichon nahi uthaal sakda
۱۰
ایس گل اُتے ہے ایمان سب دا
Es gal ute ae imaan sab da
لاتبدیل ہے کلام رب دا
Latbadil ae kalaam Rab da
اک ایہدا نقطہ مٹا نئیں سکدا
Ik ehda nuqta mata nahi sakda
کوئی وی گھٹا یا ودھا نئیں سکدا
Koi vi ghata ya wadha nahi sakda
اپنے ایمان دی دلیل بدلی
Apne imaan di daleel badli
جہیڑے لوکی آکھدے انجیل بدلی
Jahday loki aakhday injil badli
عملاں دے ہور وچوں ہور لبھدے
Amlaan de hor vichon hor labhday
ڈٹھے اساں ایہو جئے نیں بندے رب دے
Dittay assan eho jiye ne banday Rab de
پُکراں ہٹایاں وچوں نکلے صنم
Pukraan hatayian vichon niklay sanam
دم دم بولو دم دم ہر دم
Dam dam bolo dam dam har dam
۔۔۔
کفارہ بن کے آ گئی روح خدا دی
Kafarah ban ke aayi rooh Khuda di
غلامی تھوں جنے دتی آزادی
Ghulami thon jinne ditti aazaadi
میں توبہ دی پیار کر دا منادی
Main tobah di pyaar kar da manadi
لگی آؤندی سواری شہنشاہ دی
Lagi aaundi sawari shehanshah di
گلی گلی ۔۔۔ دم بولے دم دم گلی گلی
Gali gali… dam bole dam dam gali gali
۱۱
آؤ اج حق دی پچھان کر لوؤ
Aau aj haq di pichhaan kar loo
گل میری ول جے دھیان کر لوؤ
Gal meri wal jey dhyaan kar loo
گل میری نئیں جے دُکھاویں دُکھدی
Gal meri nahi jey dukhawin dukhdi
پھل نال ای ہندی اے پچھان رُکھ دی
Phal naal e hundi ae pichhaan rukhdi
سُکھ دی نئیں طالباؔ سوغات لبھنی
Sukh di nahi talibaan sooghat labhni
یسوع بنا کتھوں نئیں نجات لبھنی
Yesu bana kathoon nahi najat labhni
جھوٹھ نئیں میں کہندا مینوں رب دی قسم
Jhoot nahi main kahnda mainu Rab di qasam
دم دم بولو دم دم ہر دم
Dam dam bolo dam dam har dam